Anacylus Pyrethrum - அக்கரகாரம்

வேறு பெயர்கள்: அக்கிரகாரம், அக்ரகாரம். தாவரவியல் பெயர்: Anacylus Pyretherum. (Roof of the Arthemis Pyrethrum). குடும்பப் பெயர்: Compositae.

தெலுங்கு: Akkara- Kara. சமஸ்கிருதம்: Akarakaraba. மலையாளம்: Akkila - Karam. ஹிந்தி: Akhalkhara - Karkara. கன்னடம்: Akkala - Kara.  வளரியல்பு: சிறுசெடி.

தாவரத்தின் புற  அமைப்பு  விளக்கம்: இதன் வேர் சற்றேறக்குறைய விறல் அளவில் இருக்கும். நிறத்தில் வெண்கருமையாக இருக்கும்.

பயன்படும் பகுதி: வேர். சுவை: கார்ப்பு. தன்மை: வெட்பம் பிரிவு: கார்ப்பு 

தாவரவேதிப்  பொருள்கள்: இதன் வேரில் Pellintorin என்ற ஆல்கலாயுடும், நறுமண எண்ணெயும் உள்ளன. செய்கைகள்: உமிழ் நீர் பெருக்கி, வெப்ப முண்டாக்கி. மருத்துவ குணங்கள்: வாத நோய்களும், தாகமும் தீரும்.

நோய் தீர்க்கும் முறைகள் :

  1. இவ்வேரை வாயில் அடக்கி கொண்டால், பல் வலி, நாவறட்சி, நாக்கு அசைவற்று போதல், உள் நாக்கு வளர்ச்சி (டான்சில்), தொண்டை கமறல் ஆகியவை நீங்கும்.
  2. அக்கரகாரத்தை ஊறல் நீர் செய்து வாய் கொப்பளித்து வர மேற்கண்ட நோய்கள் தீரும்.
  3. அக்கரகாரம் வேர்த்தூளை மூக்கிலிட கால், கை வலிப்பு (காக்க வலிப்பு) நீங்கும்.
  4. அக்கரகாரம், சுக்கு, திப்பிலி,செஞ்சந்தனம், கிராம்பு, ஜாதிக்காய், குங்குமப்பூ இவற்றின் போடி வகைக்கு 10 கிராம், அபின் 5 கிராம், சர்க்கரை 40 கிராம் இவற்றை நன்றாகக் கலந்து 2 - 3 கிராம் தினமும்  காலை, மாலை உண்டு வர நரம்புத் தளர்ச்சியும், வயிற்று நோய்களும் தீரும்.