Swap tree - அகத்தி

வேறு பெயர்கள்: கரீரம், முனி, அச்சம்., தாவரவியல் பெயர் : Sesbania Gradiflora, தாவர குடும்பப் பெயர்: Fabaseae.

ஆங்கில பெயர்: Swap tree, தெலுங்கு: Avisi, சமஸ்கிருதம்: Agastya, மலையாளம்: Agatti , ஹிந்தி: Agtti, கன்னடம்: Agase.

வளரியல்பு: செடி வகை 

தாவரத்தின் புற அமைப்பு விளக்கம்: 20 - 30  அடி உயரம் வளரும். சிவப்பு மற்றும் வெள்ளை நிறப் பூக்கள் பூக்கும். இதன் அடிப்படையில் இது 2 வகையாக பிரிக்கப்படுகின்றது. அவை சிவப்பு - செவ்வகத்தி, வெள்ளை பூ - அகத்தி. இலைகள் கூட்டிலைகளாக இருக்கும். 

பயன்படும் பகுதி: இலை, பூ, பட்டை, வேர். சுவை: சிறுகைப்பு.  தன்மை: தட்பம். பிரிவு: கார்ப்பு.

தாவர வேதி பொருள்கள்: Tenin என்ற வேதி பொருள் இதன் பட்டையில் உள்ளது.

செய்கைகள்: நச்சுமுறிவு, புலுவகற்றி, குளிர்ச்சியுண்டாக்கி.

மருத்துவ குணங்கள்: விஷங்களை முறிக்கும், மலத்தை இளக்கும், புழுக்களை கொல்லும், உஷ்ணத்தைத்  தணிக்கும்.   

நோய் தீர்க்கும் முறைகள்:

  1. அகத்தி இலையின் சாறு இரு துளிகளை மூக்கில் விட காய்ச்சல் குறையும்.
  2. அகத்தி இலை சாறு 500 மி.லி, நல்லெண்ணெய் 500 மி.லி, இரண்டையும் கலந்து பக்குவமாக காய்ச்சி பின் விளாமிச்ச வேர், சாம்பிராணி, கிச்சிலி கிழங்கு, கஸ்தூரி  மஞ்சள் - வகைக்கு 10 கிராம் தூளாக்கி எண்ணையுடன் கலந்து வடி கட்டி ஒரு நாள் வீதம் தலையில் தேய்த்து குளித்து வர பித்த நோய்கள் குணமடையும் தலை வழி தீரும் கண்களில் வெட்பமும் எரிச்சலும் நீங்கி குளிர்ச்சி பெறும்.
  3. இலையை வாரம் ஒரு முறை கீரையாக சமைத்து உண்ணுவதால் உடல் சூடு மலச்சிக்கல் நீங்கும்.
  4. அகத்தி பூவின் சாறை கண்ணில் விட கண் நோய்கள் குணமாகும்.
  5. மரப்பட்டை மற்றும் வேர்ப்பட்டை குடிநீர் செய்து குடித்து வர அம்மை காய்ச்சல்  கை, கால் எரிச்சல், நெஞ்சு எரிச்சல், தாகம், நீர்க்கடுப்பு நீங்கும்.
  6. அகத்தி வேர் பட்டை ஊமத்தன் வேர் சம அளவு எடுத்து அரைத்து கீழ் வாயுவுக்கும், வாத வீக்கங்களுக்கும் பற்று போடலாம்.
  7. எமது அனுபவத்தில் ரத்தத்தில் E.S.R. அதிகமாக இருப்பின் அகத்தி இலை சாறு தினமும் சிறிதளவு சாப்பிட்டு வந்தால் E.S.R. அளவு நன்றாக குறைகிறது. 

குறிப்பு:

அகத்தி இலையுடன் உண்ணும் மருந்தின் குணத்தை கொடுப்பதால் மருந்து உண்ணும் பொது அகத்தி கீரையை உபயோகிக்க கூடாது. மேலும் அடிக்கடி உண்டாலும் உடல் வெளுத்து உடல் வீக்கம், வயிற்று கடுப்பு, கழிச்சல் போன்றவற்றை உண்டாக்கும். மருந்து உடகொள்ளுவதற்கு முன் அகத்தி கீரை சாறு அல்லது கசாயம் முதல் நல்ல உட்கொண்டு மறுநாள் மருந்து சாப்பிடலாம். எனவே அகத்தி கீரையை வாரம்  ஒரு முறை உண்டுவர மேற்கண்ட பிணிகள் நீக்கி ஆரோக்கியம் பெறலாம்.